شو يعني We R PalPay
برنامج خاص لطلاب الجامعات، بعطيك فرصة رائعة لتجربة سوق العمل، وتكتسب مهارات وخبرات جديدة ومختلفة في عالم البيع، التسويق، والسوشال ميديا.
من خلال برنامجنا رح تتعرف على صحاب جداد، تطور وتدعم موهبتك، وتزيد من شغفك للتطوع والعطاء.
كيف تصير من عيلة We R PalPay؟
عبّي البيانات المطلوبة منك، وساعدنا نلاقي فريق سفّاح ونشيط وانشر الرابط بين صحابك، ورح نكون حابين نشوفك وندردش معك في مقر شركتنا، وإذا رن جوالك أو وصلك إيميل منا ما تقلق، هاد معناه إنك جاهز لأول خطوة لتنضم لعيلتنا، وجاهز لفترة تدريبية نزيد فيها كل مواهبك، وتعرف أكتر عن شركتنا وخدماتنا وخططنا.
شو الأشياء المطلوبة منك لتكون من عيلتنا؟
من ناحية علمية:
- لازم تكون طالب في الجامعات\الكليات الفلسطينية.
- لازم تكون حامل هوية فلسطينية أو زرقا أو القدس.
- لازم يكون عندك موهبة أو مهارة معينة تميزك بفريقنا.
- بتحب تطوع، وتعمل ضمن فريق، وبتحب الحركة والركض.
صفات عيلتنا:
- شخصيتك قوية.
- حلو ومرتب.
- بتقدر تتواصل مع الناس.
- بتقدر تسوّق وتقنع.
- تفرغ وقتك لأنه رحلتك معنا حلوة وملانة مغامرات.
- بتحب السوشال ميديا وبتعرف تسوق عليها؟
- أعصابك باردة وقادر تتحمل أي ضغط.
شو رح تعمل بس تصير معنا؟
- نروج لخدمات وحملات شركة PalPay.
- نتواجد ونشارك في تنظيم فعاليات وأنشطة شركة PalPay.
- تعزز مفهوم التطوع والمشاركة في الأنشطة المجتمعية.
- تشارك تجربتك مع عيلتك وأصحابك وأهلك وناسك.
- تدرّب على مهارات جديدة، وتطور مهاراتك وهوايتك.
شو رح تستفيد بالآخر؟
- شهادة خبرة.
- التزام مادي بناءً على طبيعة النشاط اللي رح تشارك فيه.
- Open Day ونشاطات لا منهجية.
- حفل استقبال وتخريج.
وهلاء كخطوة أولى عبّي هاي البيانات واستنا منا تلفون لنرتب موعد نشوف بعض فيه: